- 76 -
1469 (30. kwietnia) Kożuchów, w niedzielę przed świętymi Filipem i Jakubem etc.
Henryk XI.Henryk XI. Głogowski, w l. 1467 – 1476 książę na Szprotawie, Krośnie Odrzańskim, Świebodzinie oraz połowie Głogowa, Kożuchowie, Lubinie i Zielonej Górze, książę Śląska, pan na Głogowie etc., odsprzedał połowę Bytomia Odrzańskiego i połowę Tarnowa JeziernegoW pow. Wschowa na ręce Georga von Glaubitz i Andreasa Neumanna, z zastrzeżeniem prawa do odkupu.
— Wir Heynrich von gotes gnoden herczug in Slesien unde herre zcw GrossinglogawGłogów CrossenKrosno Odrzańskie etc. bekennen offintlich mit deßim briefe vor allen dy en seen horen adir leßin, das wir angeseen unde betracht haben unsir unde unsir lande und stete bestis unde notcz unde haben dorumme mit wolbedachtem rothe unsir herren manne unde stete unsirn sweren schaden czuvormeiden, unsir unsir lande unde stete fromen notcz unde bestis czudirwerbin, vorkawfft habin (!) im namen eynes rechten wedirkawffis unsir halbe stad BewthenBytom Odrzański ande TarnawTarnów Jezierny w pow. Wschowa halb mit allen unde itczlichen rechten hirschafften freyheiten notczen unde czugehorungen, ab unsir vorfarn herczoge unde herren zcu Glogaw unde Bewthen dy gehabit unde an uns geerbit gebrocht, unde als wir dy selbist bis doher mit allen furstlichen rechten genyssen unde freyeiten besessin unde gehabit haben nichtis ußgenomen, is werde hy benant adir nicht benant, dorczu das molichen vor der stadt alße man keyn Glogaw czewet, unde eyne halbe marg czinßes uff Andris Newmans mole, ansirn getrawen libin Jorge Glawbusse czum Brige gesessin seynen erben unde rechten nochkomeligen unde Andris Newman, Margarethen seynem elichin weybe czu iren lebetagen seynen erben unde rechten nochkomen umbe czwelffhundirt guttir Ungarisscher golden, der wir gantcz unde gar genuglich beczalet seyn. Unde dorumme zo habin wir den egenanten Jorge Glawbusse seynen erben unde rechten nochkomeligen unde Andris Newman, Margarethen seynem elichin weybe czu iren lebetagen seynen erbin unde rechten nochkomen in allir mosse als obingeschrebin steeth nnsir halbe stad Bewthen unde Tarnaw halb mitsampt dem molichen vor der stad alße man keyn Glogaw czewet, unde eyne halbe marg czinßes uff Andris Newmans mole, mit allen unde itczlichen iren genyssen unde czugehorungen gereicht unde gelanget, reichen leyen unde langen en dy in craft deßis unsirs brifis mit allen unde itczlichen rechten genyssen czugehorungen freyheiten unde hirschafften, als unsir vorfarn herczogen unde herren unde wir dyselbist gebrucht gehabit unde besessin haben, unde behalden uns unde unsern nochkomeligin uff der obgenanten unsir halben stad Bewthen unde Tarnaw halb unde uff allen unde itczlichen iren czugehorungen nichtis mehe wenne das pfarrekirchlehen czu Bewthen, ydach unschedelich uns unsirn erben und nochkomeligen an unserm freyen ungehindirten wedirkawffe, wenne wir das czu rothe werdin, den wir unsir erbin unde nochkomeligin thuen sullen nemelich mit czwelffhundirt guttir Ungarisscher golden ane allen eyntrag in eynem hawffen. Och sal unde mag der gemelte Andris Newman zottan seynen teyl macht haben czubrengin an frund adir an fremde, geistlich czubescheydin adir zelgerethe czu machen in closter adir an andir gestiffte, wy em das allir beqwemste seyn dungket, vor uns unsir erben unde ydirman allir sachen ungehindirth. Und ap her sulchen seynen teyl czu zelgerethe adir sosten nicht vorgebe, zo sal noch seynem tode seyn weyb solchen teyl czu iren lebetagen innehaben unde genyssen unde nicht an ire frunde czubrengin noch macht czuvorgebin habin, sundir solchir teyl komen sal an des gemeltin Andris Newmans beydir brudir kyndir, nemelich an Hannos unde Melchirs sone unde tachtir czu gleichen teyle noch personen czal unde fort an ire erbin unde nochkomelig. Och globen wir vorgenanter herczug Heynrich vor uns unde unsir nochkomelige, ap sache were, das den genanten Jorge Glawbusse und Andris Neweman iren erbin unde rechtin nochkomeligin eynirley eynfelle worden von ansproche der genanten guttir, welchirley dy weren, im rechtin adir awßwendig dem rechte, das wir sy des bey unsir kost unde czerunge benehmen sullen unde freyen ane allis arg unde wedirre[de]. Ap das nicht geschege, do goth vor sey, was sy denne adir dy den unsir wedirkawff czusteeth von nicht befreyunge wegin schaden nehmen, den sy mit czween unvorsprochen mannen beweißin mochten, globen wir herczug Heynrich vor uns unde unsir nochkomelige, das wir en den mitsampt den obingeschrebin czwelffhandirt Ungarisschir golden in eynem hawffin gutlichen unde geruglichin ane alle intrag wellen beczalen, ehe denne das wir adir unsir nochkomelige dy vorgenante halbe stad Bewthen unde Tarnaw halb adir eynirley czugehorunge von den obgenanten Jorge Glawbusse unde Andris Newman iren erben adir iren nochkomeligin adir von den den deßir wedirkawff czusteeth fordirn adir begerin sullen adir wellin in keynir weiße. Deßin obingeschrebin wedirkawff schigkunge unde globde globen wir vorgenantir herczug Heynrich vor uns unde unsir nochkomelige erbhern zeu Glogaw in allen worten stugken puncten unde artikeln ane allis arg unde eyntrag zcuhaldin unvorbrochlich. Och sollen unde mogin dy ufftgenanten Jorge Glawbis unde Andris Newman ire erbin unde rechte nochkomelige macht habin forbas dy obingeschrebine unsir halbe stad Bewthen unde Tarnaw halb mit allen unde itczlichin czugehorungen vor eyne solche suma geldis unde nicht hochir vorsetczin vorkewffin czubescheidin am lebin adir am tode unde das brengin an wen unde wenne sy wollen allir sachin ungehyndirth, ydach alle czeit uns unsirn erbin unde nochkomeligin an unsirm freyen wedirkawffe, wenne wir das czu rathe werdin als obingeschrebin steeth, ane schaden. Czu orkunde vorsigilt mit unsirm anhangindem insigil.
Gebin zcur Freynstad am sontage vor Philippi unde Jacobi noch gotes geburth virczenhundirt dornoch im newen unde sechczigistin joren. Dorbey seyn gewest unsir getrawen libin der edele her Hans von Kittelitcz, Melchiar Goren hewptman czu LobenZ Lubina, Heyntcze vom Waldaw unsir marschalgk, Andris Sweidenitcz hewptman zcur FreynstadZ Kożuchowa, Hans Landiscron hewptman zcur SprottawZe Szprotawy unde her Symon Newwelder pfarrer zcw BewthenZ Bytomia Odrzańskiego unsir schreibir, dem deßir briff empfolen warth.
Lehns- und Besitzurkunden Schlesiens und seine einzelne Fürstenthümer im Mittelalter. Herausgegeben von Dr. C. Grünhagen und Dr. H. Markgraf. Erster Theil. Leipzig 1881.